СТАНДАРД life
ЕКОНОМИЈА

Министерството за финансии со раст од 9,1 процент во индексот на активна транспарентност

Министерството за финансии има раст за 9,1 процентни поени во индексот на активна транспареност во 2019 споредено со 2018 година, објави денеска министерката за финансии Нина Ангеловска на својот профил на социјалната мрежа Фејсбук.

-Кон крајот на 2019 година лансиравме три алатки со кои на јавноста и дадовме целосен увид врз трезорот на државата, врз реализацијата на капиталните раходи по буџетски корисник и врз јавниот долг кои значајно ја зголемија транспарентноста: https://open.finance.gov.mk/ , https://kapitalni-rashodi.finance.gov.mk/, https://javendolg.open.finance.gov.mk/ Дополнително редовно се објавуваат месечно и квартално бројни и извештаи и податоци, а минатата година беше и променет Законот за јавен долг со кој негарантираниот долг стана дел од јавниот долг и со кој Стратегијата за јавен долг се издвои како посебен документ од Фискалната стратегија (кој до сега беше составен дел од Фискалната стратегија), наведува Ангеловска.

Таа потенцира дека транспареноста е клучна во сите аспекти и значи поголема одговорност и отчетност пред јавноста.

– Нашето мото е секако дека секогаш се може подобро – ќе се стремиме следната година да бидеме уште подобри во индексот на активна транспарентност како и во сите аспекти од работењето, пишува Ангеловска, упатувајќи честитки на Министерство за одбрана за порастот од 13 процентни поени и првото место на Индексот на транспареност.

Поврзани вести

Котација и проширување на котацијата на државни обврзници

Влатко Зорба

Голем дел од занаетчиите не можат да аплицираат на бескаматните кредитни линии на Развојна банка

Влатко Зорба

Не очекувам оваа година да има зголемување на цената на струјата, смета Бектеши

Влатко Зорба