СТАНДАРД life
ЕКОНОМИЈА

Ангеловска: Законот за буџети во финална фаза

Предлог-законот за буџет е во процес на финализирање, согласно консултациите со Светска банка, ММФ и ЕУ, информира министерката за финансии Нина Ангеловска, по денешната четврта седница на Советот за управување со јавни финансии.

Ангеловска, информираат од нејзиниот кабинет, претседавала со седницата на Советот, кое е координативно тело на Владата за следење на спроведувањето на реформите предвидени со Програмата за реформа на управувањето со јавни финансии 2018 – 2021 година.

– По завршување на предвремените избори, КОВИД-19 кризата, како и потребниот период за јавни консултации, очекувањата се дека законот треба да биде донесен до крајот на 2020 година. Со новиот Закон за буџети ќе биде регулирано воспоставувањето на фискалните правила и Фискалниот совет. Подготвен е и новиот предлог-закон за внатрешна финансиска контрола во јавниот сектор, кој паралелно со новиот Закон за буџети, треба да се донесе во текот на 2020 година. Со новиот закон се очекува дополнително да се зајакнат основите за спроведување на јавната внатрешна финансиска контрола низ целиот јавен сектор., се вели во соопштението од Министерството за финансии.

Министерката, посочи дека во изминатиот период е подготвена и Стратегија за реформа на даночниот систем за која беше спроведена јавна консултација со заинтересираните страни. Оваа стратегија ги интегрира главните приоритети во областа на даночната политика и даночната администрација во периодот 2020-2023 година.

– Кон крајот на 2019 годината лансиравме повеќе алатки кои значително ја подобрија транспарентноста. Изработена е алатка за следење на капиталните расходи за секој буџетски корисник одделано, понатаму беше пуштен во употреба порталот „Отворени финансии“ кој е дизајниран за да и овозможи на јавноста преглед на сите исплати од Трезорот. На почетокот на годинава направена е страната „Јавен долг“ каде може да се следи состојбата на долгот, неговото движење по години, раздолжувањата, повлекувањата за тековната година и финансирање на истиот, рече Ангеловска.

Паралелно со реформите во буџетот, продолжуваат реформите во системот на управување со јавните финансии преку воспоставување на нов ефикасен и интегриран информациски систем за управување со финансии во Министерството за финансии (ИФМИС).

Министерката за финансии, се вели во соопштението, посочи дека сите реформски процеси треба да продолжат и во наредниот период и истите да се рефлектираат во новиот Акциски план за 2020 година. Таа повика сите да придонесат во своите делови за интензивирање на активностите и забрзување на реформите, бидејќи сите мора да го дадат својот придонес за побрзо да одиме напред.

Членови на Советот за управување со јавни финансии се вицепремиерите за европски прашања и за економија – Османи и Царовска, министерите за економија и информатичко општество и администрација Бектеши и Манчевски, како и директорите на УЈП, Царинска управа, Биро за јавни набавки, Државниот завод за статистика, Државна комисија за жалби по јавни набавки и Главниот државен ревизор.

Буџетот за спроведување на новиот Акциски план за 2020 година е планиран на 12 милиони евра, од кои 2,3 милиони евра се од буџетот на државата, додека 9,7 милиони евра би се обезбедиле од донаторски извори.

Поврзани вести

Неточни се тврдењата дека поскапувањето на струјата ќе ја зголеми цената на останатите производи, велат од РКЕ

Берта Китинска

Регулаторна со нов ценовник: Од полноќ поскапува бензинот

Берта Китинска

Ангеловска: Луѓето се оние кои се носители на продуктивноста, затоа е значајно да се инвестира во човечкиот капитал, но и во нови технологии кои ќе ја зголемат продуктивноста

Никола Поповски