Стандард
ЕКОНОМИЈА

Најстариот милијардер има „само“ 101 година и тежи над една милијарда долари

Чанг Јун Чунг има 101 година и богатство од 1,1 милијарди долари. Поради богатството со коешто располага е 1.851 на листата на милијардери на Forbes, додека поради годините животно искуство е прв и најстар меѓу богаташите.

Инаку, Чунг е коосновач на Pacific International Lines, компанија за транспорт и логистика, отворена во 1967 година. По 51 година помината на чело на компанијата, Чанг ја отстапи претседателската фотелја на неговиот син, Тео Сионг Сенг во април 2018-та година.

Единствено тој е на листата на Forbes со над 100 години, а меѓу најстарите негови “колеги“ се и: Марсел Адамс (99 години и богатство од 1,5 милијарди долари), Алојсио Де Андраде Фариа (99 години и богатство од 1,7 милијарди долари), Џорџ Џозеф (98 години и богатство од 1,4 милијарди долари) и Чарлс Мунгер (96 години и 1,6 милијарди долари богатство).

Од другата страна, младоста на оваа листа ја предводи Кајли Џенер со 22 години и богатство од над милијарди долари.

Магазинот Forbes, согласно податоците на 18-ти март, ја финализираше листата на најбогати за оваа година. Свое место на листата се најдоа 2.095 милијардери или 58 помалку во однос на претходната година и 226 помалку само 12 дена претходно, кога иницијално беше искалкулирано нивното нето богатство. Од милијардерите, според Forbes, 51% од нив се “посиромашни“ одошто биле претходната година.

Поврзани вести

Субјектите што нема да влезат во Регистарот на вистински сопственици ќе се соочат со проблеми со финансиското работење

Влатко Зорба

НУК до Владата упати барања за промена и унапредување на постојни протколи за работа на угостителски објекти

НБ: Денарот е стабилен, објавите на онлајн-платформите не произлегуваат од реално тргување со валути

Влатко Зорба