Стандард
ЕКОНОМИЈА

Објавен нов повик „Предизвик за млади истражувачи#4– зелени проекти” за ученици од целата држава

Министерството за образование и Фондот за иновации и технолошки развоја (ФИТР) денеска објавија нов повик „Предизвик за млади истражувачи#4– зелени проекти” за ученици од целата држава.

Целта е поттикнување на креативното размислување кај децата и поддршка за истражувачки проекти базирани на научен метод. Предизвикот е отворен до 20.04.2021 година.

Предизвикот е наменет за сите основни и средни училишта во државата, со аплицирање на истражувачки проектен тим кој треба да се состои од 1-2 наставници (лидери на проектот) и од 5 до 10 ученици.

„Буџетот кој го обезбедивме за овој Предизвик изнесува три милиони денари. Вкупниот буџетот на поединечен предлог проект треба да изнесува минимум 100.000 односно максимум 200.000 денари. Обезбедивме и дополнителна награда од 30.000 денари за наставникот (наставниците) кои се лидери на проектот. Средствата се наменети за набавка на дигитална опрема применлива во наставниот процес“, изјави директорот на ФИТР, Коста Петров.

„Учениците и младите истражувачи и научници се во фокусот на нашите заложби и тоа јасно се гледа во сите политиките на владата и на МОН, но и во обезбедувањето на повеќе финансиски средства и бројни можности какви што порано не биле достапни“, изјави министерката за образование Мила Царовска.

Поврзани вести

Македонците потрошиле 69,4 милиони евра на интернет во првата половина од годината

Александар Петровски

Промет од 23 милијарди долари за девет часа на „Денот на самецот“

Оштетени штедачи: Како фирма од Струмица земала 600 илјади евра кредит на вересија?

Влатко Зорба