СТАНДАРД life
ЕКОНОМИЈА

Прогноза на СБ за Балканот: По раст од 4,4 отсто оваа, следи пад во 2022 година

Во земјите од Западен Балкан може да има економски раст од 4,4 проценти оваа година, доколку регионот успешно излезе од пандемијата Ковид-19, објави Светска банка.

Се предвидува економски раст во Србија, БиХ, Црна Гора, Северна Македонија, Косово и Албанија по намалувањето од 4,8 проценти во 2020 година.

Додатокот во макроекономскиот извештај за Европа и Централна Азија предвидува дека економијата во земјите од Западен Балкан може да порасне за 3,7 проценти во 2022 година.

– И покрај напредокот, заработката по глава на жител се очекува да остане 6,5 проценти под предвидувањата пред пандемијата до 2022 година, се наведува во документот.

Извештајот нагласи дека главниот предуслов за раст во регионот ќе биде враќање на довербата на потрошувачите и компаниите како резултат на слабеењето на пандемијата и намалената политичка нестабилност.

Земјите од Западен Балкан се соочуваат со нагло зголемување на бројот на лица заразени со коронавирусот оваа година, но кампањата за вакцинација веќе започна во сите земји, потсетува Ројтерс.

Поврзани вести

Бислимоски: Нема да се зголемува цената на струјата на регулираниот пазар

Интензивно се работи на автопатот Кичево – Охрид со над 360 машини и преку 720 работници

Влатко Зорба

Азески: Сакаме да имаме туризам, а енергијата ја насочуваме на погрешна страна

Влатко Зорба