Регионалниот совет за соработка (РСС) од денеска бара идеи за дигитални алатки за помош и промоција на туризмот на Западен Балкан, при што 6-те најуспешни идеи ќе бидат наградени со по 15 илјади евра.
Конкурсот, како што соопштуваат од РСС, под име ФУТОУРИСМО е финансиран од страна на Европската унија, а идејата е да се ублажи негативното влијание на секторот туризам во шесте држави од Западен Балкан и да се зачуваат работни места во секторот.
Право на учество имаат новоформирани мали компани, стопанственици, организации и други, со цел да предложат и развијат иновативни дигитални решенија за промоција на туризмот.
Изборот на победниците, шесте најдобри решенија, ќе бидат прогласени на 23 февруари на церемонија по пат на интернет.