ЕКОНОМИЈА

ССК со признание од Светската Царинска Организација

Генералниот секретар на Светската Царинска Организација Кунио Микурија, додели признание за придонес кон развојот на Царината на претседателот на Сојузот на стопански комори на Македонија, Данела Арсовска. Признанието го врачи директорот на Царинската управа, Ѓоко Танасоски, во пресрет на Светскиот ден на Царината, кој традиционално секоја година се одбележува на 26 јануари.

Арсовска истакна дека ова признание е уште една потврда за успешната соработка на Сојузот на стопански комори на Македонија со институциите, каде активно се вклучува како промотор и лидер на современите светски трендови со особен акцент на дигитализација на процесите.

„Дигитализацијата на деловните процеси и поврзаност на институциите при имплементирање на новите трендови е од особена важност за зголемување на продуктивноста и конкурентноста на деловната заедница. Минатата година Сојузот беше меѓу првите комори во Европа која ги дигитализираше алатките за меѓународна трговија и воведе е-Сертификат за потекло, поддржана и од Царинската управа. Подготвени сме и во иднина како Сојуз, да го поддржуваме пеоцесот на олеснување на трговијата“, изјави Арсовска и додаде дека ова признаниe е уште една потврда за Сојузот на стопански комори на Македонија кој гради партнерства како во земјата, така и во светски рамки.

Танасокси, директор на Царинската управа истакна дека Царинската заедница повторно се здружува, обединета во одбележувањето на Меѓународниот ден на Царината.

„На овој посебен ден членките, секретаријатот и партнери на СЦО од целиот свет се посветуваат на одредена тема. Во 2020 година, под слоганот „Царина се грижи за одржливост на граѓаните, просперитетот и планетата“, Царинската заедница ќе се фокусира на придонесот на Царината кон одржлива иднина на социјалните, економските, здравствените и еколошките потреби“, рече Танасоски и додаде дека коректната соработка е од голема важност за квалитетна животна средна.

Поврзани вести

МТСП: Од денес корисниците со картички може да ги подигнат правата од социјална и детска заштита

Берта Китинска

Ангеловски: Угостителите трпат големи штети, тешко ја пребродуваат кризата со понудениот пакет мерки

Кина сака да воведе нови царини на американскиот увоз во вредност од 2,4 милијарди долари

Maja_Serafimova

Мартенс: Слободните економски зони во С.Македонија интересна можност за германските компании

Берта Китинска

Китев: Над 8.5 милиони евра се враќаат назад кај граѓаните преку МојДДВ заклучно со јануари 2020 година

Кузеска: 470 милиони евра се обезбедуваат за поддршка на граѓаните и стопанството