За разлика од обичниот, њујоршкиот чизкејк е погуст и покремаст, а често и посладок со додавање на вкус на лимон и ванила.
Одличен додаток е овошниот прелив кој лесно можете да го направите така што ќе помешате свежо или замрзнато овошје со малку лимонов сок и шеќер и кратко ќе го варите, а по желба можете да додадете и една лажичка мармалад.
Состојки:
За кората:
* 85 гр путер + уште малку за калапот
* 140 гр бисквити по избор
* 1 лажица шеќер во прав
Фил:
* 900 гр крем сирење
* 250 гр шеќер
* 3 лажици обично брашно
* 1 и ½ лажичка екстракт од ванила
* ситно рендана кора од 1 лимон (околу 2 лажички)
* 1 и ½ лажичка сок од лимон
* 3 големи јајца, плус 1 жолчка
* 200 мл кисела павлака
Подготовка:
Загрејте ја рерната на 180 степени, а внатрешноста на калапот за печење од 23 сантиметри премачкајте ја со путер, а однадвор премачкајте со два слоја алуминиумска фолија.
Бисквитите сомелете ги во процесор за храна или искршете ги со чекан за месо и измешајте ги со стопен путер и една лажица шеќер. Притиснете ги рамномерно во дното на калапот.
Печете 10 минути и оставете да се излади додека го подготвувате филот.
Зголемете ја температурата на рерната на 220 степени. Сирењето се мати на средна брзина со миксер додека да стане кремасто, околу 2 минути. Постепено додавате шеќер, брашно и малку сол, а потоа екстракт од ванила, кора од лимон и сок од лимон.
Јајцата и жолчките се матат едно по едно, па се прелива павлаката и се матат на мала брзина додека се убаво да се соедини. Тестото треба да биде мазно, лесно и малку воздушесто.
Намачкајте ги страните на калапот со растопен путер и ставете го калапот на плех. Истурете го филот во калапот и печете 10 минути. Потоа намалете ја температурата на рерната на 110 степени и печете уште 45-55 минути. Ако нежно го протресете плехот, колачот треба малку да се ниша, но не треба да биде премногу влажен.
Исклучете ја рерната и отворете ја вратата и оставете да се излади внатре 2 часа. Поминете со тенок нож по работ на колачот за да го одделите од калапот.
Покријте лабаво со фолија и ставете го во фрижидер најмалку 8 часа или преку ноќ.
На здравје!