Гордон Ремзи е несомнено еден од најдобрите готвачи во светот и неговите рецепти секогаш се добро прифатени од читателите и гледачите ширум светот.
Неодамна Гордон Ремзи откри како го подготвува рижото, еден од познатите рецепти со докажани состојки и мали промени, пишува „Експрес“.
Состојки:
За супа од печурки:
* 220 гр печурки
* 1 морков
* 1 главица кромид
* 3 чешниња лук
* 30 гр сушен врѓањ
* малку сол
* маслиново масло
За рижото:
* 2 лажици несолен путер
* 1 мал праз
* 450 гр печурки
* 2 гранчиња мајчина душица
* 1 чаша јачмен
* сол
* половина чаша бело вино
Подготовка:
Во поголемо тенџере сипете маслиново масло и кога ќе се загрее додадете крупно исечкани печурки, моркови, лук и кромид и малку сол. Оставете го на средна температура да се динста, но мора постојано да го мешате за да не изгори.
Потоа додадете суви печурки, налејте околу 10 чаши вода и сè заедно сварете, па намалете ја температурата на шпоретот и оставете да се крчка околу половина час. Кога ќе помине ова време, тргнете го од шпорет и процедете ја содржината од тенџерето, слободно стискајќи ги печурките и другиот зеленчук за да се исцедат што подобро. Зеленчукот нема да ви треба, затоа или јадете го или ставете го во замрзнувач за друга употреба, а процедената супа чувајте ја на шпорет на средна температура за да биде постојано топла.
Во меѓувреме растопете го путерот, а потоа додадете го празот и солта и динстајте до пет минути. Потоа додадете ги сечканите печурки и мајчина душица и динстајте со повремено мешање. Кога малку ќе омекне, додадете го јачменот и малку сол и оставете го неколку минути да се соедини и дополнително да омекне.
Време е да го додадете белото вино, а потоа сè да се готви неколку минути додека течноста не испари. Намалете ја температурата на ринглата и постепено, лажица по лажица, додајте ја веќе топлата супа од печурки.
Добиената смеса промешајте ја додека јачменот не ја впие целата течност додека го додавате густинот, а потоа промешајте и варете 30 до 40 минути додека јачменот целосно не омекне.
На здравје!