Извршниот директор на Apple, Тим Кук објави на Твитер дека компанијата одлучила да произведува и дистрибуира заштитни визири за медицински професионалци.
Како што пренесува The Verge, Apple собрала дизајнери за производот, како и инженери и тимови за пакување и дистрибуција.
Тим Кук ги потврди овие нови информации во видеото на Твитер на кое се гледа еден од визирите.
Apple исто така собра повеќе од 20 милиони заштитни маски и е во комуникација со државните влади за да ги достави таму каде што е потребно.
Зборувајќи за визирите, Кук истакна дека првата испорака веќе била направена минатата недела во болниците Кајзер во долината Санта Клара во САД и дека одговорот од лекарите е позитивен.
„Во пакетите што ги испраќаме има 100 визири и секој се собира за помалку од две минути и може да се прилагоди во целост. Материјалите за производство се набавени во САД и Кина“, додаде Кук.
Apple планира да испорача повеќе од еден милион визири до крајот на оваа недела и по еден милион секоја, се вели во порталот.
Apple is dedicated to supporting the worldwide response to COVID-19. We’ve now sourced over 20M masks through our supply chain. Our design, engineering, operations and packaging teams are also working with suppliers to design, produce and ship face shields for medical workers. pic.twitter.com/3xRqNgMThX
— Tim Cook (@tim_cook) April 5, 2020