Стандард
КОМПАНИИ

Без надомест за роаминг на Западен Балкан од 1 јули

Надоместокот за роаминг во земјите од регионот ќе биде целосно укинат од 1 јули, што ќе значи повеќе пари во буџетот за граѓаните на овие земји, но и за деловните субјекти, изјави денеска генералниот секретар на Советот за регионална соработка, Мајлинда Брегу.

„Граѓаните ќе имаат малку повеќе пари во џебот, оние што би ги потрошиле доколку би плаќале сметки во регионот поради тарифите за роаминг. Второ, мислам дека е важно да се нагласи дека не само што бројот на луѓе кои користат интернет се зголеми, туку ние за време на пандемија сфативме дека времето што го поминуваат луѓето на Интернет е зголемено, што исто така дава одредена тежина“, рече таа за „РСЕ“.

Забележано е дека младите во регионот сметаат дека олеснувањето на роамингот е корисно како и слободата на движење, поради што, како што рече, тоа ќе биде одлична порака и за нив.

Со оглед на тоа што пандемијата влијаеше на економскиот развој на земјите, Советот за регионална соработка проценува дека подобрата соработка меѓу нив може да заштеди значително.

Како пример, Брегу ги издвојува „зелените коридори“. Ова се меѓународни линии за транспорт на храна и друга неопходна стока, кои беа отворени на 13 март 2020 година.

Таа исто така оцени дека е одлично што лидерите во регионот го прифатија планот за заедничкиот регионален пазар во ноември.

„Пазар што ќе има заедничка политика во областа на иновациите, индустријализацијата, дури и помошта за туризмот и така натаму. Она што мислам дека ќе биде најважно е дека, отсега натаму, ние нема да се фокусираме само на испорака на она што ни треба. Очекуваме дека првите работи што ќе бидат на тоа поле ќе бидат претставени на самитот во Берлин, што ќе се случи до јули, особено оние што се однесуваат на слободата на движење во регионот со лични карти“, рече Брегу.

Поврзани вести

Над 69,9 милиони долари лани сме потрошиле на увоз на мобилни телефони

msp-admin

За прв пат воспоставена директна авиолинија Скопје – Киев

msp-admin

ЕВРОПЈАНИТЕ ШТЕДЕЛЕ ЗА ВРЕМЕ НА ПАНДЕМИЈАТА: На сметките имаат 585 милијарди евра, а еве ја земјата со најмногу

Влатко Зорба
error: Превземањето на содржина без дозвола од авторот е дело казниво со закон!!!