Стандард
КОМПАНИИ

Џонсон се консултира со бизнисот за промена на законодавството по „Брегзит“

Премиерот на Велика Британија Борис Џонсон побара од деловните лидери да му помогнат да одлучи кои одредби во законодавството треба да се отстранат сега кога Велика Британија го заврши разводот од Европската унија.

Премиерот го даде предлогот во разговор во средата попладне со околу 250 корпоративни лидери, објавија извори на Блумберг. Целта на премиерот е да ја намали бирократијата за да им го олесни животот на британските компании по „Брегзит“.

Џонсон, исто така, рече дека министерот за финансии Риши Сунак ќе го зајакне механизмот на управување, признавајќи дека државата може да биде премногу бавна во донесувањето одлуки.

Постојат стравувања во ЕУ дека Велика Британија планира да го смени регулаторниот пристап и да ја наруши конкурентноста на блокот сега кога Брегзит заврши. Таканаречените услови на еднаквост и фер конкуренција беа еден од проблемите што ги спречија британските и европските преговарачи да склучат трговски договор до 24 декември, само една недела пред Велика Британија да го заврши својот преоден рок.

Дискусиите со деловните лидери доаѓаат во клучно време за односите бизнис-министри, бидејќи Велика Британија оваа недела влезе во својата трета национална блокада, додека компаниите се уште свикнуваат на промените во трговијата со ЕУ.

Џонсон „е посветен на соработка со британскиот бизнис за реализација на огромните можности што претстојат додека Велика Британија гради независна иднина“, се вели во соопштението на премиерот.

Џонсон им рече на учесниците дека го гледа 15-ти февруари како клучен датум до кога владата очекува да ги вакцинира повеќето од најранливите луѓе во Велика Британија и може да започне со укинување на ограничувањата.

По повод разговорот, Сунак рече дека и покрај тешкотиите за компаниите и нивните вработени за време на пандемијата, тие имаат пет причини за оптимизам.

Тоа се: потрошувачите заштедуваат пари и се подготвени да потрошат кога ќе заврши пандемијата; невработеноста не се искачи над предвидувањата; некои компании успеаја да ги зајакнат своите биланси; скокот во летните месеци покажува дека Велика Британија може брзо да закрепне; а владата веќе обезбеди договор за Брегзит.

Министерот за финансии исто така рече дека буџетот што ќе биде одобрен во март ќе биде многу помалку фокусиран на пандемијата, со поголем акцент на поттикнување на растот, инфраструктурата, вештините и иновациите.

Џонсон вели дека сака да го остави зборот Брегзит во минатото, бидејќи процесот е завршен и земјата мора да оди напред

Премиерот разговара за неговиот план за балансирање за проширување на економските можности во посиромашните региони и целта на Велика Британија да ги елиминира стакленичките гасови до 2050 година

Секретарот за бизнис во земјата Алок Шарма зборуваше позитивно за изградбата на индустријата за електрични автомобили и батерии

Од своја страна, секретарот за трговија Лиз Трас рече дека следните големи трговски приоритети се трговски договор во Соединетите држави и зајакнување на врските со сеопфатен и прогресивен договор за членките на Транспацифичкото партнерство.

Поврзани вести

Зошто е добро да започнете бизнис по четириесеттата

msp-admin

Нерегулираната онлајн продажба ја зголемува сивата економија

msp-admin

Сите предности на полисата за животно осигурување

Влатко Зорба
error: Превземањето на содржина без дозвола од авторот е дело казниво со закон!!!