Стандард
КОМПАНИИ

„Дизни“ со нов рекорд за приходи

„Дизни“ ќе стане првото филмско студио во историјата со годишни приходи од повеќе од 10 милијарди американски долари во светскиот боксофис.

За 2019 година, компанијата на Боб Ајгер заработи 9,997 милијарди долари – 3,28 милијарди американски долари во САД и 6,7 милијарди долари ширум светот – се очекува да надмине 10 милијарди во наредните денови.

Со тоа „Дизни“ ги подобрува своите перформанси од 2016 година, кога повторно беше на врвот со 7,6 милијарди.

Успехот на студиото се должи на рекордниот број филмови кои собраа над една милијарда долари во светскиот бокс-офис – „Одмаздници: Крајот“, „Аладин“, „Приказна за играчките 4“, „Кралот Лав“ и „Капетан Марвел“.

„Замрзнато кралство 2“ во моментов има заработено 920 милиони, но наскоро ќе ја премине границата од 1 милијарда.

Важно е да се напомене дека приходите не ги вклучуваат профитите од филмовите на „Фокс“, кој веќе е во сопственост на „Дизни“.

Со нив, профитот се искачува на 12 милијарди.

Поврзани вести

Германското економско производство паднало од 20 до 25 отсто поради коронавирусот

msp-admin

Филип Морис ТКП денеска го лансираше IQOS во земјава

Инженер украл 26.000 доверливи документи и трговски тајни од „Тесла“

Влатко Зорба
error: Превземањето на содржина без дозвола од авторот е дело казниво со закон!!!