Стандард
ТЕХНОЛОГИЈА

Новиот смартфон на Apple од „ниска класа“ би можел да се нарекува iPhone 9

Веќе некое време знаеме дека Apple се подготвува да лансира нов паметен телефон од „ниска класа“ во пролетта следната година, а според достапните информации за дизајн, iPhone SE 2 ќе изгледа многу како iPhone 8. Сега, сепак, новите податоци од извори на јапонскиот блог „Macotakara“ сугерираат дека моделот всушност може да се нарекува iPhone 9.

Дури и ако се користи името на iPhone 9, дизајнот нема да биде поинаков од оној на iPhone 8. Ќе има промени во хардверот, кој ќе се заснова на новиот чипсет A13 Bionic и 3 GB RAM меморија. Уредот ќе понуди LCD дисплеј од 4,7-инчи и главно копче со интегриран сензор за отпечатоци.

Неговата цена веројатно ќе биде 399 долари и ќе доаѓа во сребрена, црвена и црна (Space Gray) боја.

Веќе има гласини дека во 2021 година, компанијата од Купертино ќе пушти уште еден модел во серијата – iPhone SE 2 Plus (iPhone 9 Plus) кој ќе биде со поголем дисплеј.

Поврзани вести

Се појави фотографија од Huawei P50 Pro

Влатко Зорба

Фотографии го откриваат дизајнот на OnePlus 8

msp-admin

Vision-S – првиот електричен автомобил на Sony (ВИДЕО)

msp-admin
error: Превземањето на содржина без дозвола од авторот е дело казниво со закон!!!