Стандард
КОМПАНИИ

ЕБОР најави помош од 1,7 милијарди евра за Западен Балкан

Претседателот на Европската банка за обнова и развој (ЕБОР), Сума Чакрабарти, најави силно зголемување на финансирањето за Западен Балкан оваа година за дури 1,7 милијарди евра во однос на минатогодишните рекордни 1,3 милијарди.

Чакрабарти во изјава на виртуелниот самит ЕУ-Западен Балкан во Загреб рече дека ЕБОР ќе ја засили поддршката за реформите што ќе му помогнат на регионот да се справи со економското влијание од пандемијата од коронавирусот.

Според него, ЕБОР ќе комбинира и своја финансиска поддршка за регионот со грантови од партнери од Европската унија (ЕУ).

Претседателот на ЕБОР прецизираше дека финансиските ресурси на таа банка наменети за Западен Балкан ќе бидат повисоки за околу една третина и дека тие ќе изнесуваат 1,7 милијарди евра оваа година.

Тој додаде дека ЕБОР е горда да ги поддржи напорите на „Тим Европа“ со својот пакет мерки за солидарност за одговор и закрепнување на економиите во борбата против последиците од КОВИД-19.

Чакрабарти објасни дека финансирањето на ЕБОР во Западен Балкан ќе биде особено фокусирано на микро, мали и средни претпријатија и финансирање на прекугранична трговија, како и на инфраструктура во енергетскиот сектор и услугите на локалната самоуправа.

Банката исто така ќе обезбеди инвестиции насочени кон постигнување економски раст и создавање работни места за време на периодот на пост-пандемично закрепнување.

„Ефектот на нашите инвестиции ќе биде значаен“, рече Чакрабарти, истакнувајќи дека финансирањето на ЕБОР ќе биде комбинирано со работа на реформски мерки што му се потребни на регионот во контекст на пристапувањето во ЕУ.

„Успехот во комбинацијата на инвестициски и реформски мерки се рефлектира во нашите достигнувања на теренот во регионот … Убеден сум дека оваа комбинација ќе продолжи да има далекусежен ефект за време и по пандемијата“, заклучи претседателот на ЕБОР, Сума Чакрабарти.

Поврзани вести

Речиси 90 % од вработените сакаат да имаат избор за работа од дома

msp-admin

Стабилизација на извозот и увозот на европски производи во ноември 2020 година

Влатко Зорба

Tesla создава своја социјална мрежа

Влатко Зорба
error: Превземањето на содржина без дозвола од авторот е дело казниво со закон!!!