Европската побарувачка за автомобили нагло падна во февруари под влијание на мерките за борба против пандемијата на коронавирус, според извештајот на здружението на производители на автомобили ACEA, пренесува Хина.
Вкупно 771.486 нови автомобили се регистрирани во 26 земји на ЕУ (со исклучок на Малта) во февруари, најмалку од тој месец од 2013 година, објави ACEA во средата.
Податоците покажуваат пад на европската побарувачка за автомобили за речиси една петтина на годишно ниво. Потона за 24 проценти во јануари.
Рестриктивните мерки и неизвесноста како резултат на Ковид-19 ја забавија побарувачката и во вториот месец од 2021 година, наведува здружението, посочувајќи на падот на побарувачката на сите четири водечки европски пазари.
Побарувачката падна најмногу во Шпанија, со 38,4 проценти. Следат Франција, Германија и Италија каде што се намали за околу една петтина. Најмал пад е забележан во Италија, која регистрираше 12 проценти помалку нови автомобили отколку во истиот месец минатата година.
Во првите два месеци од оваа година, регистрирани се вкупно 1,4 милиони нови автомобили во 26 земји на ЕУ, за 21,7 проценти помалку отколку во истиот период во 2020 година, непосредно пред избувнувањето на пандемијата на коронавирус.
Меѓу четирите водечки европски пазари, побарувачката за нови автомобили најмногу потона во јануари и февруари во Шпанија, каде беше скоро преполовена.
Следува Германија, каде што се намалува за една четвртина. Франција и Италија забележаа значително благ пад, со 14,2, односно 13,1 проценти.