Стандард
КОМПАНИИ

Фунтата продолжува да паѓа

Британската фунта во средата претпладне доживеа пад во однос на повеќето валути, во услови на нови стравувања дека Велика Британија сепак ќе ја напушти ЕУ практично без договор.

Премиерот Борис Џонсон планира да достави нацрт-законот за договорот за „Брегзит“, со кој се ограничува периодот на транзиција откако земјата ќе ја напушти ЕУ само во 2020 година. Сепак, експертите и политичарите предупредуваа дека не е можно да се подготви и склучи долгорочен трговски договор меѓу Велика Британија и Европската унија во тие 11 месеци по 31 јануари.

„Пазарот конечно сфати на што мислел Џонсон, кога велел дека „Брегзит“ ќе се случи по секоја цена – со или без договор со ЕУ. Без договор „Брегзит“ е повторно на дневен ред, коментира трејдер од INTL FCStone, цитиран от Bloomberg.

Фунтата падна во однос на доларот утрово – за 0,21%, на 1,3103 американски долари за фунта од 1,3131 долари за фунта и на 1,1766 од 1,1776 евра за фунта на крајот на тргувањето во вторникот. Девизниот курс на еврото во средата, исто така, падна во пресрет на статистиката за инфлацијата во еврозоната.

Напротив, јенот поскапува во однос на повеќето светски валути. Во среда, Централната банка на Јапонија започнува дводневна средба, а аналитичарите и експертите очекуваат тоа да не ги смени основните параметри на нејзината монетарна политика.

Заедничката валута утрово е намалена за 0,12% во однос на американската, што е намалување на 1,1137 американски долари за евра во однос на 1,1150 американски долари за еврото на крајот на пазарот во вторникот.

Доларот се намали во однос на јапонската валута на 109,44 јени во однос на 109,48 јени за еден долар ден порано, а еврото на 121,87 јени од 122,08 јени на крајот на вчерашната сесија.

Поврзани вести

Заблуди околу инвестирање во злато

msp-admin

Просечната нето плата во март изнесува 26.422 денари

msp-admin

Кога Хрватска може најрано да го прифати еврото?

Влатко Зорба