Стандард
КОМПАНИИ

Huawei се жали на одлуката на судот по исклучувањето од 5G мрежата на Шведска

Кинеската компанија Huawei покрена правна постапка против одлуката на шведскиот суд која е во полза на регулаторот на домашната мрежа ПТС.

Во пресудата на судот од 16 декември се вели дека на ПТС ќе им биде дозволено да продолжат со аукциите на 5G спектарот по одлуката од минатата година да ја забрани опремата на Huawei за ширење на 5G во земјата.

Во изјавата, Huawei рече дека условите на ПТС во пракса го исклучуваат од шведскиот пазар, откако регулаторот одлучи за нив без да им даде шанса на Huawei да одговорат. Ова, се вели во изјавата, е во „судир со основните европски принципи“.

Huawei претходно го оспори ПТС, што доведе до судска забрана која спречи да се одржат аукциите. Сепак, судовите во Шведска во декември ја поддржаа жалбата на ПТС против пресудата за запирање на аукциите.

„Се чини дека нема подготвеност од ПТС да ја преиспита нивната одлука”, изјави за Ројтерс Кенет Фредриксен, извршен потпретседател на Huawei за Централна и источна Европа и нордискиот регион.

„Сметаме дека е критично аукцијата уште еднаш да биде запрена сè додека не се отстранат правните несигурности, или преку судско порамнување или надвор од судски спогодби“, рече тој.

Минатата година, Шведска ја забрани опремата на Huawei од својата 5G мрежа, повикувајќи се на ризици за националната безбедност. Пратениците побараа од компаниите кои учествуваат во аукциите на спектарот од 5G да ги отстранат компонентите од компанијата до јануари 2025 година.

Оваа пресуда значи дека Шведска е следниот проблем во долгиот список со кој се соочуваше Huawei во последните неколку години.

Американскиот претседател Доналд Трамп за време на неговиот мандат во Белата Куќа вршеше притисок врз светските влади да го блокираат Huawei од нивните мрежи, повикувајќи се на можна соработка со Пекинг и загриженост за националната безбедност.

Велика Британија веќе објави целосна забрана за опремата на Huawei низ 5G мрежите во земјата, а телекомуникациските компании им соопштија дека мораат да ги отстранат комплетите Huawei 5G.

2027 година е датумот кога ќе стапи целосната забрана, со сите претходно купени комплети дозволени да се инсталираат дотогаш. Сепак, минатата година Владата на Велика Британија ја забрза забраната за кинеската компанија, наведувајќи дека комплетите сега ќе треба да се отстранат до септември 2021 година.

Телеком фирмите, како што е БТ, веќе започнаа со постепено укинување на хардверот на Хуавеј, потпишувајќи голема зделка во октомври 2020 година за снабдување на идните комплети од Ериксон.

Продолжените потези против Huawei исто така, се чини дека се основани. Извештајот направен од Комитетот за одбрана на Парламентот за безбедноста на 5G минатата година откри „јасни докази“ за заговор меѓу Huawei и Пекинг.

Извештајот на Вестминстер укажа на наводите дека Huawei е финансиран од кинеската влада, како и потенцијално мора да се усогласат со кинеските закони за национална безбедност, помагајќи да се оправда отстранувањето на компанијата од мрежата на Велика Британија.

Поврзани вести

Половина милијарда непродадена облека во Германија: Попустите ќе се искачат до 90 проценти

Влатко Зорба

Газда ги казнува вработените кои ќе завршат во самоизолација

msp-admin

Зошто Ворен Бафет не ги сака „кратките продажби“?

Влатко Зорба
error: Превземањето на содржина без дозвола од авторот е дело казниво со закон!!!