СТАНДАРД life
КОМПАНИИ

Идеолошките конфликти се спротивни на пазарните принципи на пазарот, вели претседателот на Кина

Кинескиот претседател Си Џинпинг повика на глобална соработка во пресрет на растечкиот антикинески фронт предводен од Соединетите држави, предупредувајќи дека „отворената светска економија“ е неопходна за заздравување од пандемијата. Тој повика на отфрлање на менталитетот на Студената војна и идеолошките конфронтации, наведувајќи дека на светот му треба правда, а не хегемонија.

„Обидите да се градат sидови или поделби се спротивни на законот за економија и пазарните принципи. Ние би им наштетиле на туѓите интереси без да имаме корист. Не смееме да дозволиме правилата утврдени од една или повеќе земји да бидат наметнати на други, ниту смееме да дозволиме унилатерализмот што го следат одредени земји да биде мерка за целиот свет“, рече Си во видео обраќање пред кинескиот форум „Боао за Азија“, пренесе Си-Ен-Ен.

Претседателот на Кина изјави дека големите земји треба да се однесуваат на начин што одговара на нивниот статус и со поголемо чувство на одговорност. Иако Си не именуваше ниту една земја, неговите забелешки звучеа како прикриена критика кон САД. Вашингтон и неговите сојузници воведоа координирани санкции минатиот месец против кинеските власти поради наводна репресија на Ујгурите муслимани во провинцијата Синџан.

Повеќето остри санкции воведени од администрацијата на поранешниот американски претседател Доналд Трамп се уште се на сила, а трговските тензии продолжија со сегашниот американски претседател Џо Бајден. „Командувањето со други или мешањето во внатрешните работи на другите луѓе нема да добие никаква поддршка“, им рече Си на илјадници лидери и политички лидери на форумот.

Некои од најголемите американски претприемачи и инвеститори учествуваа на настанот, барајќи начин да одржат рамнотежа во турбулентната врска меѓу двете најголеми светски економии. Извршните директори на „Епл“ и „Тесла“, Тим Кук и Елон Маск, се очекува да присуствуваат во среда, последниот ден од четиридневниот форум.

Си го потврди ветувањето дека странските компании ќе можат да инвестираат во Кина. „Отвореноста е неопходна за развој и напредок. Исто така е клучно за економското закрепнување по пандемијата „Ковид-19“, рече Си, најавувајќи чекори за зајакнување на соработката на Кина со соседните земји.

Во исто време, Кина вети дека ќе го зајакне „сеопфатното стратешко партнерство“ со Русија, а двете земји предложија воспоставување регионален дијалог за решавање на безбедносните проблеми во нивната околина. Минатиот месец Кина одделно потпиша договор за економско-безбедносно партнерство со Иран во следните 25 години.

Поврзани вести

Лондонски аналитичари: Еврозоната влегува во нова рецесија

Влатко Зорба

Волстрит брише 3 кинески компании, Пекинг се заканува со одмазда

Влатко Зорба

Домашно ладење – брзо растечка индустрија

Влатко Зорба