Седумте највредни американски технолошки компании – Apple, Microsoft, Amazon, Alphabet, Facebook, Tesla и Nvidia – додадоа вкупно 3,4 трилиони американски долари на нивната пазарна вредност во 2020 година, меѓу пандемијата на коронавирус и светската економска криза, пренесе CNBC.
Силните берзански перформанси на предметните компании им помогнаа на „Big Tech“ да се преминат од 2020 до 2021 година со крената глава и покрај проблемите што ги придружуваа некои технолошки концерни.
Импресивното „рели“ на берзата на Tesla е најголемото изненадување во овој сектор. Акциите на производителот на електрични автомобили пораснаа скоро 700% во 2020 година, со што пазарната капитализација на компанијата се зголеми на 669 милијарди долари. И покрај затворањето на некои свои производствени капацитети во зората на пандемијата, Tesla беше во можност брзо да продолжи со работењето и да продолжи да го шири производството надвор од САД.
Во декември, групацијата влезе во индексот „S&P 500“ откако објави пет последователни квартали на профит.
Во меѓувреме, производителот на чипови Nvidia ја зголеми двојно својата пазарна вредност во 2020 година на 323 милијарди долари, со што стана седмата по големина технолошка компанија базирана на пазарот и 16-та во САД. Силната побарувачка за нејзините графички картички го поддржа овој раст, при што приходите од бизнисот со игри се зголемија за 37 проценти на 2,27 милијарди долари во четвртиот квартал од неговата фискална година.
Производителот на iPhone телефони Apple објави особено импресивно зголемување на пазарната капитализација од 81% или скоро 1 трилион долари, на околу 2 трилиони долари. Amazon на Џеф Безос, кој го искористи растот на трговијата преку Интернет и бизнисот со облачни услуги, објави зголемување на неговата пазарна вредност од околу 710 милијарди долари. Пазарната капитализација на Microsoft се зголеми за 480 милијарди долари, додека онаа на Alphabet, матичната компанија на Google, порасна за 268 милијарди долари. Вредноста на Facebook порасна за 193 милијарди долари.
Овие растови јасно се рефлектираа во состојбата на извршните директори и основачите на предметните компании. Богатството на Џеф Безос се зголеми на 190 милијарди долари, а основачот на Amazon го задржа првото место. По него е шефот на Tesla, Елон Маск, чие богатство се искачи на 170 милијарди долари во текот на годината, според индексот на милијардерите на Блумберг. На трето место е Бил Гејтс со 132 милијарди долари, додека Марк Закерберг е петти со 104 милијарди долари. Лери Пејџ и Сергеј Брин, основачите на Google, се наоѓаат на петтото, односно деветтото место, додека Стив Балмер од Micorosoft е осми.