Вредноста на кинеската малопродажба на Интернет во 2020 година достигна 9,8 трилиони јуани или 1,51 трилион долари, што е за 14,8 проценти повеќе од истиот период минатата година и сочинува 24,9 проценти од вкупната малопродажба во земјата.
Обемот на деловна активност на курирските услуги достигна 83,36 милијарди парчиња, што е за 31,2 проценти повеќе отколку во 2019 година, пренесува „Меѓународното кинеско радио“.
Една од главните причини за растот на продажбата преку Интернет е зголемената популарност на продажбата на стоки преку Интернет во програма во живо, која минатата година надмина 20 милиони директни преноси.