Американскиот милијардер Марк Кјубан вели дека една од последиците од коронавирусите ќе биде тоа што капитализмот ќе се подобри. Капитализмот ќе стане „повеќе сочувствителен“ како резултат на пандемијата од коронавирус, изјави тој за Си-Ен-Би-Си.
„Мислам дека капитализмот ќе стане многу попаметен и посочувствителен поради она низ кое што минуваме“, рече претприемачот и инвеститор чие богатство се проценува на околу 4 милијарди американски долари.
Сопственикот на НБА тимот Далас Маверикс изјави дека смета дека работодавците сега ќе сфатат дека треба да ги стават своите вработени во прв план.
– Не се само оние кои ги поседуваат акциите. Всушност, мора да ги ставите вработените пред акционерите“, рече Кубан.
Не брзајте да се вратите на работа
Кјубан се појавува во медиумите неколку пати во последните неколку недели откако се засили пандемијата. Тој ги предупреди компаниите дека работниците не треба да бидат вратени предвреме на работа и го повика законодавниот дом да ги поддржи работниците погодени од економските ефекти од кризата.
Тој вели дека начинот на кој компаниите ги третираат работниците за време на пандемија може да го дефинираат нивниот бренд во наредните децении.
– Како што компаниите одговорат на овој предизвик, тој ќе го дефинира нивниот бренд за наредните децении. Ако побрзавте да продолжите да работите и еден од работниците се разболе, тогаш тоа ќе се памети. Ако не сте се грижеле за своите вработени и не сте ги ставиле на прво место, тоа ќе биде запаметено – додаде тој.
Коментарот на Кјубан доаѓа по објавувањето на намерата на американскиот претседател Доналд Трамп да ја „отвори“ американската економија, евентуално до Велигден на 12 април.
– Нема причина да брзаме. Попрво би погрешил со тоа што ќе бидам премногу претпазлив. Јас нема да им кажам на луѓето да одат на работа сè додека не сум целосно сигурен во таа одлука. Да се вратат да работа премногу брзо може да биде „непростливо“ во очите на помладите Американци. Значи, не само што е мудро да се грижите за вашите вработени, туку е и добар деловен потег, рече Кјубан.