Стандард
КОМПАНИИ

Најголеми странски инвеститори во Црна Гора во 2020 година се Руси, Кинези и Швајцарци

Минатата година, и покрај пандемијата на коронавирусот, 663 милиони евра директни странски инвестиции се влеаа во Црна Гора. Во истиот период од земја се одлеале 195,5 милиони евра, пишува „Дневне новине“.

Колективно, најголемиот дел од парите во Црна Гора ги вложиле членки на НАТО, 230 милиони евра.

Поединечно, првото место во однос на инвестициите убедливо го држи Русија, од која за 12 месеци се вложени 99 милиони евра во Црна Гора.

Следува Кина со инвестиција од 71 милион и Швајцарија со нешто повеќе од 63 милиони евра.

Русите вложиле 22 милиони евра во секторот на домашни компании и банки и 53 милиони евра во меѓукомпаниски долг, што претставува инвестиции што не го зголемуваат основниот капитал.

Кога станува збор за Кина, скоро целата сума од 71 милион евра е инвестирана во секторот за меѓукомпаниски долгови.

Швајцарците најмногу инвестираа во истиот сектор, 47,9 милиони, додека тие инвестираа пет милиони во секторот на домашни компании и банки, и 10 милиони евра во продажба на недвижнини во Црна Гора.

Приливот на странски директни инвестиции од Италија изнесува 45 милиони, САД 29,4 милиони, од Обединетите Арапски Емирати 28 милиони, а Србија 27,8 милиони евра.

Инвестициите од Германија изнесуваат 26 милиони евра, додека Турција и Холандија инвестираа по 18 милиони евра.

Поврзани вести

Нов германски данок може да ги намали емисиите на јаглерод за 740.000 тони

Влатко Зорба

Најскапото деби на Лондонската берза во последната деценија: Deliveroo бара проценка од 12 милијарди долари

Влатко Зорба

TikTok влегува во војна со „deepfake“ содржините

msp-admin
error: Превземањето на содржина без дозвола од авторот е дело казниво со закон!!!