Стандард
КОМПАНИИ

ОСНОВАЧОТ НА „АЛИБАБА“ МИСТЕРИОЗНО ИСЧЕЗНА: Во јавноста го нема од октомври

Џек Ма, основачот на компанијата „Алибаба“ и еден од најбогатите луѓе во светот, мистериозно исчезна од јавноста и не се рекламира на социјалните мрежи, и тоа по критиките кон кинескиот режим.

Ма, чие богатство се проценува на најмалку 39 милијарди евра, не е виден во јавноста од крајот на октомври, се наведува во извештајот.

Овој 56-годишник го заработи своето богатство откако ја основаше „Алибаба“, наречена азиски „Амазон“ и некогаш беше миленик на комунистичкиот режим.

Сепак, поранешниот наставник по англиски јазик одеднаш беше заменет како судија во финалето на „Africa’s Business Heroes“, телевизиски натпревар во кој учествуваат претприемачи. Неговата фотографија потоа беше отстранета од веб-страницата и подоцна изоставена од промотивно видео, пишува Сан.

Џек Ма неодамна објави на Твитер дека „едвај чекал“ да се сретне со сите натпреварувачи.

– Поради проблеми со распоредот, Ма не можеше повеќе да биде член на жирито во финалето на шоуто „Africa’s Business Heroes“ – изјави портпаролот на „Алибаба“.

Финалето се одржа само неколку недели откако Ма одржа говор во кој остро ги критикуваше кинеските регулатори и државните банки.

Минатиот месец, властите одеднаш објавија антимонополска истрага против неговата компанија.

Го нема ниту на Твитер

Ма е еден од најбогатите луѓе во Кина, а познат е и по тоа што работи со ООН и неколку глобални добротворни организации. За време на пандемијата на коронавирусот, тој донираше десетици милиони заштитни маски ширум светот.

Сепак, тој не е активен на неговиот профил на Твитер во последните неколку недели, каде што обично претходно објавуваше неколку твитови на ден.

Засега нема индиции дека нешто му се случило, пренесе „MailOnline“.

Кинески бизнисмен исчезна минатата година

Кина може да биде многу непријателска кон оние што зборуваат лошо за владејачкиот режим.

Влијателниот кинески бизнисмен и член на владејачката Комунистичка партија, Рен Џикианг исчезна во март минатата година откако го нарече претседателот Кси Џинпинг „кловн“ за неговите постапки за време на пандемијата на коронавирусот.

Неговите пријатели велат дека тој подоцна бил осуден на 18 години затвор откако очигледно „доброволно признал“ за разни кривични дела поврзани со корупција.

Поврзани вести

Огромен пад на приходите на хотелите на Трамп

Влатко Зорба

„Фејсбук“ казнет во Унгарија со четири милиони долари

msp-admin

Google го даде петок како слободен ден: Продолжен викенд за намалување на напнатоста!

msp-admin
error: Превземањето на содржина без дозвола од авторот е дело казниво со закон!!!