„Eagle Hills Real Estate“ купи 69,7% од акциите на хотелите „Sunce“ од семејството Андабак, создавајќи обврска да објави понуда за преземање, објавија хрватските медиуми.
Станува збор за компанија поддржана од групацијата „Eagle Hills“ од Обединетите Арапски Емирати, предводена од Мохамед Али Рашид Алабар, познат по проектот „Белград на вода“, кој е во фаза на изградба.
Загребската филијала на „Eagle Hills“, која се занимава со развој и инвестиции во недвижнини за мешана намена, од угостителски, станбени, комерцијални и здравствени активности, е основана во јули 2019 година.
Претприемачот Алабар (63) од ОАЕ е исто така основач на „Emaar Properties“, една од најголемите градежни компании во светот со годишен обрт од шест милијарди долари.