СТАНДАРД life
КОМПАНИИ

Работата од дома е помалку стресна и попродуктивна

Една германска студија покажала дека работата од дома за време на пандемијата на коронавирусот, работниците ја доживуваат позитивно.

“Вработените кои за време на пандемијата преминале на работа од дома поретко се наоѓаат под стрес и се попродуктивни“, произлегува од студијата, којашто заедно со здравствената осигурителна куќа DAK ја направил Институтот Forsa и Iges.

Пред избивање на пандемијата 21% од испитаниците рекле дека се наоѓаат под стрес, додека истото тоа сега, во текот на оваа светска здравствена криза, го рекле само 15% од луѓето.

Помеѓу оние кои во меѓувреме редовно работат од дома, 56% од нив изјавиле дека дома се чувствуваат попродуктивно, отколку на работното место.

Во позитивните ефекти на работата од дома спаѓаат и подобро усогласување на работата и семејството (две третини од испитаниците), а ист процент како посебно позитивен ефект на работата од дома го навеле тоа што не мора да трошат време за патување до работното место.

“Работата од дома не само што ја намалува опасноста од зараза, туку помага и за создавање душевна рамнотежа“, рече, директорот на DAK, Андреас Сторм.

Тој рекол дека овие позитивни сознанија би требало да се согледаат при пристапот кон работата од дома во иднина и дека притоа би требало да се настојува да се избегнат негативните аспекти на работат од дома.

Тоа пред се се однесува на проблемот на јасното одвојување на приватниот и работниот живот, што е посебно воочливо кај младите вработени, помеѓу 18 и 29 години. Три четвртини од испитаниците, имено, како негативност го истакнуваат фактот дека повеќе не се гледаат со колегите од работа.

Владејачката Социјалдемократска партија на Германија најавила иницијатива за законска регулатива која би овозможила право на работа од дома.

Поврзани вести

КОРОНАТА НЕ ИМ МОЖЕ НИШТО: 7 бизниси на кои пандемијата им донесе невиден профит

Влатко Зорба

Просечната нето-плата во јуни 2020-та, повисока за 1.662 денари во однос на истиот месец лани

msp-admin

Излегувањето на берзата во САД им донесе на Кинезите 11,7 милијарди долари

msp-admin