Стандард
КОМПАНИИ

Ротари клубот – Скопје Интернешнал донираше ајвар за Домот за стари лица „Мајка Тереза“ од Скопје

Ротари клубот – „Скопје Интернешнал“ донираше ајвар за лицата кои живеат во домот за стари лица „Мајка Тереза“ од Скопје. Ајварот го подготвија членовите на „Ротари клубот – Скопје Интернешнал“, а за оваа намена беа подготвени и специјални наменски етикети.

„Ротари клубот – Скопје Интернешнал“ во рамките на својата мисија за иницирање на подршка и развој во различни општествени области, оваа активност ја реализираше по повод одбележувањето на Меѓународниот ден на стари лица – 1 октомври, во рамките на „Принципите за стари лица на Обединетите нации“.

„Цел ни е преку нашите активности да поттикнеме и инцираме дијалог, но и со кокретни чекори да придонесеме за унапредување на состојбите во различни сегменти во заедницата. Покрај тоа, сакаме преку личен пример да ја подигнеме свеста од потребата за ангажираност на сите нас за придонес кон општиот развој. Искрено веруваме дека секој од нас има моќ да донесе промени. Ние како заедница сме должни да покажеме грижа и за старите лица и да ги потсетиме дека и тие се важни“, велат од „Ротари клубот – Скопје Интернешнал“.

Домот за стари лица – „Мајка Тереза“ од Скопје е дел од Јавната здравствена установа Специјализирана болница за геријатриска и палијативна медиција „13 Ноември“ од Скопје. Оваа установа спроведува здравствена заштита од областа на геријатриската и палијативната медицина и е единствена од ваков карактер во земјава.

Повеќе од 110 години ротаријанците од цел свет се ангажираат за промовирање на позитивните вредности, солидарноста и хармонијата во светот.
Активностите се спроведуваат преку 35.000 Ротари клубови ширум светот, од кои 20 клубови на Ротари кај нас, кои делуваат во различни области во насока на исполнување на своите цели.

Поврзани вести

Во периодот од 2000 до 2017 година по основ туризам се загубени околу 3 милијарди долари

msp-admin

Apple ќе им овозможи и на други сервиси да ги поправат Mac компјутерите

msp-admin

McAfee размислува за спојување со поранешниот Symantec

msp-admin
error: Превземањето на содржина без дозвола од авторот е дело казниво со закон!!!