„Минатата година Русија го намали производството на нафта за 8,6 проценти во споредба со 2019 година, на 512,8 милиони тони, но сепак остана втор најголем светски производител“, рече министерот за енергетика Николај Шулгинов.
Тој исто така на состанокот на бордот на Советот на федерацијата за економска политика објави дека ланскиот извоз на руска нафта паднал за 12 проценти, пренесе агенцијата ТАСС.
Министерот оцени дека договорот меѓу Организацијата на земјите извознички на нафта и сојузниците, неформален сојуз наречен ОПЕК +, овозможи делумно неутрализирање на последиците од рекордниот пад на побарувачката на нафта и зачувување на цените на „црното злато“.
Руското производство на гас минатата година падна за 6,0 проценти, на 692,9 милијарди кубни метри, а извозот на гас падна за 2,4 проценти, рече Шулгинов.