Стандард
КОМПАНИИ

Русија ќе го претстави ПРВИОТ ЕЛЕКТРИЧЕН АВИОН

Русија ќе го претстави првиот авион со електричен мотор на саемот МАКС 2021, што ќе се одржи од 20 до 25 јули во Жуковски во московскиот регион.

Оваа информација ја потврди вицепремиерот Јуриј Борисов.

„Овој проект беше направен со Фондот за напредни студии. Електричниот авион што ќе го претставиме се заснова на принципите на суперспроводливост“, додаде Борисов.

Електричниот мотор е дел од хибридниот погонски систем, развиен од Рускиот централен институт за мотори на авиони (CIAM).

Овој иновативен електричен мотор се базира на суперпроводници со висока температура со моќност од 500 kW, а тестовите на него започнаа на 5 февруари.

Според извршниот директор на CIAM, Михаил Гордин, ова е еден од најважните проекти во модерната авијација. Тој додаде дека употребата на високотемпературната платформа за суперспроводливост (HTSP) е дизајнирана да реши голем број технолошки проблеми со кои веќе се соочува воздушниот сообраќај.

Андреј Вавилов, претседател на Управниот одбор на „Суперокс“, посочи дека руските научници се првите во светот што започнале со тестирање на мотор на електричен авион базиран на HTSP.

„Развојот на таков проект е резултат на долгогодишно истражување и тестирање. Зад нас се стотици произведени прототипови и десетина тестирани и произведени примероци на мотори со различна моќност“, истакна Вавилов.

Планирано е оваа нова технологија да се искористи за дизајнирање мотори и енергетски комплекси за целосно електрични авиони и хеликоптери, пишува „Русија денес“.

Поврзани вести

Белградско пристаниште на нова локација од следната година

Влатко Зорба

Олеснети услови за пристап до кредитите од Развојната банка за малите и средни претпријатија

msp-admin

Резултатите на JPMorgan се подобри од очекуваните

Влатко Зорба