СТАНДАРД life
КОМПАНИИ

Square стекна мнозински удел во компанија на Џеј Зи

Компанијата за дигитални плаќања на Џек Дорси – Square добива мнозински удел во компанијата за музички стриминг, Tidal, соопшти компанијата, цитирана од CNBC.

Цената на акциите на Square падна за 2% пред почетокот на денот на тргувањето во САД.

Договорот се очекува да биде мешавина од 297 милиони долари во готовина и акции и да се финализира во вториот квартал на 2021 година. Square вели дека сегашните изведувачи кои имаат удели во компанијата ќе останат акционери. Џеј Зи, кој го купи Tidal во 2015 година за 56 милиони долари, ќе се приклучи на бордот на директори на Square.

Дорси најави дека Џеј Зи „ќе помогне во водењето на целата наша компанија, вклучително и Seller и Cash App, веднаш штом ќе се заврши зделката.

Овој потег има за цел диверзификација на активностите на Square, кој е добро познат по својот хардвер за плаќање, апликација за готовина и обработка на кредитни картички. Компанијата неодамна воспостави сопствено банкарско работење.

Square вели дека не очекува финансиските резултати на Tidal да имаат значително влијание врз консолидираните приходи или бруто добивката на компанијата за 2021 година.

Tidal заостанува во битката со гигантите за стриминг на музика, а уделот на Дорси може да и помогне на компанијата да се претстави подобро.

Поврзани вести

Русија е подготвена да се исклучи од глобалниот Интернет

Влатко Зорба

Планот за закрепнување на ЕУ доведен во прашање

Влатко Зорба

Еуросупер БС – 95 поевтинува за половина денар

msp-admin