Стандард
КОМПАНИИ

Српски функционер: Заработувам над 30.000 € месечно, но мене пари не ми требаат

Душан Бајатовиќ, директор на јавното претпријатие „Србијагас“ и функционер на владејачката СПС, неодамна дојде на позицијата директор на „Гастранс д.о.о.“, а на тоа место не го постави Владата на Србија, ниту некое друго тело, туку „Србијагас“.

Неговите приходи често се шпекулираат во јавноста, додека министерот за енергетика испраќаше разни повици и ја споредуваше неговата плата со платата на рударите од Ресавица. Многумина шпекулираат дека тој наводно е човек на Русија и затоа никој не бил во можност да го замени.

Душан Бајиќ реши јавно да одговори на некои од прашањата што заинтересираа многумина. Делумно откри и колку заработува.

„Што се однесува до платата во „Србијагас“, таа е 1.420 евра, остатокот е приход од странски компании, кои ги има многу“, рече Бајатовиќ како гостин во утринската програма на ТВ „Прва“.

На прашањето како коментира дека заработува 30.000 евра месечно, Бајатовиќ рече дека тоа е малку повеќе и дека нема за што да ги потроши сите тие пари.

„Најмалку ми требаат пари. Трошам на сите други, помагаме, има многу хуманитарна активност”, забележа тој.

Поврзани вести

Фондот одлучи: Објавени имињата на четирите банки преку кои ќе се обесштетат депонентите на Еуростандард банка

Никола Поповски

Вработените во Google ќе работат од дома до летото 2021 година

msp-admin

Ричард Бренсон викендов лансира нова ракета

msp-admin
error: Превземањето на содржина без дозвола од авторот е дело казниво со закон!!!