Претседателот на САД, Доналд Трамп, повика на бојкот на автомобилските гуми на Goodyear Tire and Rubber Co, бидејќи го забрани носењето на капи со натписот на кампањата на Трамп „Make America Great Again“ (MAGA).
Поради објавувањето на Трамп на Твитер, акциите на компанијата веднаш паднаа за 3,8 проценти, пренесе АП.
Компанијата не ја забрани конкретно етикетата, но ги замоли вработените да се воздржат од какви било изрази на работното место кои вклучуваат политички кампањи „кои надминуваат прашања од расната правда и еднаквост“.
„Набавете си подобри гуми за помалку пари. Тоа е она што го прави радикалната левица“, напиша Трамп.
Неговиот твит дојде откако телевизијата WIBW објави, повикувајќи се на снимки од анонимен работник на „Goodyear“, дека пораките како „Black Lives Matter“ и поддршката за ЛГБТ популацијата се прифатливи, додека други, вклучувајќи ги MAGA и „Blue Lives Matter“ се класифицирани како неприфатливи.
Компанијата во одговор на Твитер рече дека секогаш ја поддржувале и еднаквоста и силите на редот и ќе продолжат да го прават тоа.