Акциите на кинеската компанија за кратки видеа Kuaishou, пораснаа скоро 200% на отворањето, за време на своето деби во Хонг Конг.
Технолошката фирма од почетната јавна понуда (ИПО) собра 41,28 милијарди хонгконгшки долари (5,32 милијарди амеикански), откако нејзините акции по цена од 115 хкд го надминаа очекуваниот опсег.
Акциите на Куаишу се отворија на 338 хкд. Тие подоцна се лизнаа од највисоките нивоа, но сепак го завршија денот со 160% повеќе, затворајќи на 300 хкд по акција.
Главната активност на компанијата е кратки видео приказни, па затоа Kuaishou е директен ривал на TikTok. Компанијата заработува од корисници кои купуваат виртуелни подароци за да им ги дадат на своите омилени стримери. Kuaishou, исто така, е заинтересирана за нови области, како што е е-трговија.
Компанијата вели дека нивното ИПО е претплатено со голема побарувачка. Доколку се примени таканаречената опција за прекумерна распределба, што и овозможува на инвестициската банка да издава повеќе акции, тогаш Kuaishou може да собере повеќе од шест милијарди долари.
Инвеститорите кои се определуваат за Kuaishou прават список што ќе биде „тест за апетит“ за кинеските технолошки компании, исто како што Пекинг го засилува надзорот над секторот во области од антимонопол до заштита на податоците.
Во ноември, кинеската влада воведе правила за купување во живо, што може да влијае на Kuaishou.