Стандард
КОМПАНИИ

Трамп забрани трансакции со „ТикТок“ и „Вичет“ во САД (ВИДЕО)

Претседателот на САД, Доналд Трамп, потпиша уредби со кои се забранува трансакции со сопствениците на апликациите „ТикТок“ и „Вичет“ во САД. „ТикТок“ е во сопственост на „БајтДенс“, која е основана во Пекинг во 2012 година од Џанг Џиминг, 30-годишен компјутерски инженер, кој беше еден од 20-те најбогати луѓе во Кина минатата година.

„Вичет“ е апликација за инстант пораки на кинескиот интернет гигант „Тенсент“.

Според декретот, забраната за трансакции со „БајтДенс“ ќе стапи на сила за 45 дена, а Трамп потпиша слична за сопственикот на „Вичет“.

Вашингтон се сомнева дека апликациите ги користи кинеската разузнавачка служба.

„ТикТок“ негира споделување на податоците со кинеските власти.

Во декретот се наведува дека „зголемувањето на бројот на мобилни апликации во САД, кои се развиени во Кина и кои се во сопственост на кинески компании, продолжува да ја загрозува националната безбедност, надворешната политика и американската економија“.

Со оваа одлука, Трамп отвора нов фронт во технолошкото ривалство со Пекинг, пренесува АФП.

Поврзани вести

Италија: Над 5 милиони граѓани немаат ниту за основните потреби, 355.000 се под апсолутната граница на сиромаштија

Влатко Зорба

Едукативно видео на НБ за безбедно користење услуги од електронското банкарство

msp-admin

Германски работодавци: Ни требаат работници од Западен Балкан

msp-admin