Стандард
КОМПАНИИ

Деспотовски: Државата дава поддршка за младите, целта е да останат тука и своите бизнис идеи да ги реализираат во земјава

Оваа држава дава и можност и поддршка за младите. Целта е тие да останат тука и своите бизнис идеи да ги реализираат во земјава, рече денеска директорот на Фондот за иновации и технолошки развој (ФИТР), Јован Деспотовски, по презентацијата на новооснованите компании од 22-те успешни деловни приказни поддржани преку Програмата за самовработување.

Како што беше нагласено на промоцијата, оперативните мерки за вработување веќе трета година се адаптираат на потребите на општеството и се поттик за почнување бизниси.

-Минатата година ја почнавме со 1,1 милијарда денари, а годинава ја завршуваме, односно ја почнуваме следната со 1,3 милијарди денари што е трипати повеќе од 2016 година, истакна министерката за труд и социјална политика, Мила Царовска.

Според постојаната претставничка на Програмата за развој на ОН, Нарине Сахакиан, иднината им припаѓа на луѓето кои имаат добри, иновативни идеи, кои вложуваат напори и бараат решенија за подобрување на условите во светот воопшто.

-Убаво беше да се слушнат инспиративните приказни. Убаво е кога ќе видите дека луѓето веруваат дека можат да го сменат животот на другите, нагласи Сахакиан.

Директорот Деспотовски напомена дека 22-те компании што веќе почнаа бизнис, ќе бидат дел од групата од преку 100 стратапи кои изминатите 18 месеци добија од Фондот за иновации.

Поврзани вести

Словенија сопира со воведувањето на 5G технологијата

msp-admin

Ферари очекува профит од најмалку една милијарда евра во 2020 година

msp-admin

Google се откажува од колачињата во Chrome

msp-admin
error: Превземањето на содржина без дозвола од авторот е дело казниво со закон!!!