Турскиот министер за животна средина и урбан развој, Мурат Курум на својот профил на Твитер потврди дека Турција го одобрила планот за изградба на Истанбулскиот канал, нов воден пат што ќе ги поврзува Црното и Мраморното Море и ќе се одвива паралелно со Босфор.
Патем, Турција планираше да започне со изградба на нов канал долг 51 километар во 2018 година. Тогаш беше планирано да се заврши работата во 2023 година, до 100-годишнината од основањето на Турската Република. Според проценките, трошоците за овој проект би изнесувале околу 10 милијарди долари, пренесува Seebiz.eu.
Турскиот претседател Реџеп Таип Ердоган постојано изјавуваше дека наскоро ќе се одржи конкурс за изградба на каналот, кој ќе се одвива паралелно со Босфор. Ердоган најави изградба на нов воден пат на 100 километри западно од Истанбул пред парламентарните избори во Турција во 2011 година.
Од друга страна, турската опозиција и градоначалникот на Истанбул, Екрем Имамоглу, се спротивставуваат на овој голем инфраструктурен проект и бараат да се распише референдум за неговата изградба.
Се проценува дека преку новиот канал може да поминат околу 160 бродови дневно, вклучително и танкери со носивост до 300.000 тони. Патем, околу 53 илјади бродови поминуваат низ Босфор, меѓу Црното и Мраморното Море, секоја година.