Стандард
КРИПТОВАЛУТИ

Биткоинот испраќа одлична недела

Во пребарувањето на Google, терминот „купи криптовалути“ достигна најголем број пребарувања во историјата во јануари. Еуфоријата поврзана со криптовалутите е забележлива и на берзите во Њујорк.

Акциите на Twitter скокнаа нагло за време на викендот, за прв пат надминувајќи 70 американски долари, бидејќи компанијата, по моделот на Tesla, размислува да претвори дел од своите резерви на готовина во биткоин.

Криптовалутите оставаат зад себе недела на огромен раст. Дури и биткоинот најде сила да „нападне“ 50.000 долари по неколку тивки недели. Растот се интензивираше откако Tesla објави дека купи биткоини во вредност од 1,5 милијарди долари. Се повеќе големи играчи одлучуваат да влезат на овој пазар на еден или друг начин.

Неодамна, добра вест за биткоинот беше објавена и од BNY Mellon (еден од најголемите даватели на финансиски услуги во САД и водечка институција во областа на старателски услуги) и Mastercard. Издавачот на кредитни картички објави дека наскоро ќе им овозможи на сопствениците на картички одредени трансакции со крипто-валути.

„Нашата филозофија во врска со криптовалутите е едноставна: тоа е избор. Mastercard не сака да ви препорача да започнете да користите криптовалути. Но, ние сме тука за да ги поддржиме клиентите, трговците и компаниите во пренесувањето дигитална вредност – во традиционална или криптовалута – што тие и онака сакаат“, рече Mastercard во соопштението.

Morgan Stanley исто размислува да инвестира во биткоин и сигурно е дека институционалната поддршка за најпопуларната криптовалута ќе расте во наредните недели и месеци.

Поврзани вести

БИТКОИНОТ РАСТЕ: Маск објави дека „Тесла“ сепак ќе прифаќа криптовалути

Stefanija Kuzmanovska

Рекорден сообраќај на Binance – берзата затвори „врати“ за час

Влатко Зорба

Етереум има огромен потенцијал за раст, според Камерон Винклевос (ВИДЕО)

Влатко Зорба