Елон Маск ги предупреди инвеститорите да бидат претпазливи со криптовалутите пред неговото деби во „Saturday Night Live“.
„Криптовалутите ветуваат, но инвестирајте внимателно!“, напиша Маск на неговиот профил на Твитер во петокот.
Маск има над 53 милиони следбеници на Твитер. Тој сподели информации за криптовалутите со нив, заедно со видео од гостување на ТМЗ.
На видеото, Маск истакнува дека треба да се биде внимателен со заштедите и криптовалутите.
„Како прво, не мислам дека луѓето треба да ги вложат своите заштеди во криптовалути. Тоа не е паметно “.
Додаде дека има големи шанси крипто да стане главна валута на Земјата, но дека никој не знае која паричка ќе стане најисплатлива.
Инвестирањето пари во криптовалути во овој момент треба да се смета за шпекулација, вели извршниот директор на Tesla.