„ПејЧек“, платформата за плаќање на криптовалути на „Електрокоин“, сега ви овозможува да плаќате гориво и сите други производи и услуги на сите 46 „Тифон“ бензински пумпи во Хрватска. Прифатените валути се Биткоин (БТК), Етереум (ЕТХ), Стелар (XLM), Рипл (XRP) и ЕОС, а услугата е достапна од 2 февруари 2021 година, се вели во соопштението.
Брзата и безбедна исплата во криптовалути е резултат на долгогодишниот развој на платформата „ПејЧек“, која ги претвора крипто-трансакциите за трговците во куни. Благодарение на леснотијата на користење и поддршката за квалитет, „ПејЧек“ веќе е имплементиран во најважните хрватски фискални каси и директно во многу веб-продавници, што веќе дава можност за крипто плаќања на стотици хрватски претприемачи, објави „Електрокоин“.
„Тифон“ го препозна потенцијалот за соработка со „Електрокоин“ и воведувањето на „ПејЧек“, што е потврдено од Ана Локас, финансиски директор на „Тифон“.
– Иако плаќањата во крипто-валути се уште се во зародиш во Хрватска, со воведувањето на оваа опција за плаќање на сите продажни места на „Тифон“, очекуваме нивен понатамошен развој и раст. Очекувањата се позитивни, особено за време на туристичката сезона, со оглед на се пораспространетите навики за користење на овој вид плаќање на странските клиенти“, рече Локас.
Никола Шкориќ, директор на „Електрокоин“, објаснува како ќе изгледа искуството за плаќање со криптовалути на Тифон.
– На пример, ако некое лице полни за 400 куни и сака да плати во крипто-валути на каса, во моментот кога преку „ПејЧек“ ќе му јавиме на „Тифон“ дека е извршена уплата, „Тифон“ добива 400 куни, а ние во „Електрокоин“ целосно ја обработуваме крипто-трансакцијата. Платформата ПејЧек за прифаќање плаќања во криптовалути гарантира безбедност на секоја компанија што сака да им ја обезбеди на своите клиенти оваа можност – рече Шкориќ.
„Електрокоин“ е иновативна хрватска финтек компанија основана во 2014 година. Обезбедува услуги за менувачница на крипто-средства и примање крипто-валути како метод на плаќање преку платформата ПејЧек, со поддршка на клиенти 24/7 за сите свои услуги. Деловни партнери вклучуваат „Hrvatska pošta“, која воведува крипто-валути во 55 свои филијали од 2019 година.