Славната поп пејачка Кети Пери и поранешниот канадски премиер Џастин Трудо сега официјално ја потврдија својата врска на Инстаграм. Во саботата, пејачката сподели серија приватни фотографии и видеа од патување во Јапонија, на кое позира со Трудо.
View this post on Instagram
Џастин Трудо, пак, официјално ја објави својата прва заедничка фотографија со познатата американска пејачка на социјалната мрежа Икс, откако двојката потврди дека е во врска.
Great to see you @kishida230. Katy and I were so glad to have the chance to sit down with you and Yuko. Thank you, Fumio, for your friendship and your continued commitment to both the international rules-based order and to a better future for everyone. https://t.co/zLEuppHNST
— Justin Trudeau (@JustinTrudeau) December 4, 2025
Објавата предизвика голем јавен интерес, а фотографијата е направена во празнична атмосфера.
На фотографијата, Трудо и Пери позираат насмеани и опуштени, еден до друг, а друштво им прави јапонскиот член на Претставничкиот дом Фумио Кишида и неговата сопруга.
Фотографијата ја објави Кишида на социјалните мрежи, а неговата објава ја сподели и Трудо.
„Убаво беше да се запознаеме. Кети и јас сме толку среќни што имавме можност да поминеме време со тебе. Ти благодарам, Фумио, за твоето пријателство и твојата континуирана посветеност на меѓународниот поредок базиран на правила и подобра иднина за сите“, напиша Трудо.
За потсетување, Кети Пери и нејзиниот поранешен свршеник, актерот Орландо Блум, потврдија дека не се повеќе заедно во јуни оваа година, а шпекулациите за причините беа поттикнати и од нејзината најнова песна. Малкумина можеа да предвидат дека до крајот на годината, пејачката ќе биде во врска со поранешниот премиер на Канада.
Гласините за нивната врска кружат веќе некое време, а двојката е видена неколкупати заедно на вечери и на патувања. Во јули, тие дури беа фотографирани како се бакнуваат на јахта покрај брегот на Санта Барбара, Калифорнија.