Актерката Меган Фокс (37) и музичарот Машинган Кели (33) повторно привлекуваат внимание. Парот се појави на улиците на Њујорк, а сите ја забележаа новата фризура на Меган.
Актерката својата црна препознатлива боја ја замени со светло црвена, а многумина се прашуваат дали носи перика. За прошетка избрала краток црн фустан со бели точки, кој го искомбинирала со црни сандали. Нејзиниот вереник носеше неутрална комбинација, беж горен дел и „кожени“ панталони во слична боја.
Инаку, парот во последно време има проблеми во врската, па извесно време се шпекулираше дека ја откажале свршувачката. Сепак, денес им оди подобро од било кога, а како што изјавиле за „Дејли Мејл“ извори блиски до парот, тие повторно планираат венчавка.
– Повторно се на добар пат. Имаа толку многу успех во терапијата заедно. Почнаа повторно да си веруваат, а потоа почнаа да зборуваат за венчавка – рекоа тие.
Некое време се шпекулираше дека Машинган Кели ја изневерил својата свршеница со гитаристката Софи Лојд. Меган ги негираше овие тврдења, а потоа повторно почнаа да се појавуваат заедно на разни настани.
Меган и Кели се во врска од 2020 година, а се верија во јануари 2022 година.