Познатиот актер познат по своите помлади партнерки, Леонардо ди Каприо, беше уловен од папараците како ужива во сладолед на состанок со италијанската манекенка Виторија Серети (25) во Санта Барбара, само два месеци откако таа ја потврди разделбата со сопругот Матео Милери.
Како што може да претпоставите, 48-годишниот оскаровец е 23 години постар од младата манекенка, која најверојатно ја запознал во мај на Канскиот филмски фестивал. Инаку, Виторија е пријателка со „блиската пријателка“ на Леонардо, Џиџи Хадид, како и со моделите Нилам Каур Гил и Меган Рош.
Жешката манекенка беше видена во црна маица, шорцеви и сиви тренерки, додека Леонардо, кој се обиде да се сокрие под медицинска маска, исто така се одлучи за едноставна комбинација од бела маичка, кафени шорцеви со врвки и сиви тренерки.
Само неколку месеци претходно, атрактивната Серети потврди дека „пријателски се разделила“ од 35-годишниот Матео Милери, едната половина од диџејското дуо „Tales of Us“, а последен пат беше фотографирана со него на TikTok на 29 декември, пренесе „Daily Mail“.
Не е јасно кога точно Леонардо ја запознал Серети, но тие беа видени заедно во Франција кон крајот на мај, токму кога неговиот филм „Killers of the Flower Moon“ беше премиерно прикажан на Канскиот филмски фестивал.