Странските медиуми објавија за наводната врска меѓу Том Круз (61) и 36-годишната Елсина Хајрова, ќерка на богат руски трговец со дијаманти.
Тие биле видени на забава во Лондон на која не се делеле еден од друг, пишува Дејли Мејл. „Беа неразделни, очигледно е дека се пар. Круз изгледа е целосно заљубен во неа”, коментирал еден од гостите на истата забава во лондонски Мејфер.
Во текот на вечерта многу луѓе му пришле на актерот барајќи негова фотографија, но тој учтиво одбил. Тогаш диџејот објави дека актерот не сака да се фотографира на забавата.
Инаку, Елсина Хајрова е поранешна манекенка која претходно беше во брак со рускиот тајкун Дмитриј Цетков, со кој делеше куќа во Лондон вредна 18 милиони фунти. Нивниот развод се најде на насловните страници откако Хајрова беше обвинета дека криела значителни средства од нејзиниот поранешен сопруг, вклучувајќи ја и колекцијата на чанти од 1 милион фунти.
Потсетуваме, летово се шпекулираше дека Том Круз сака повторно да се поврзе со Софија Вергара по разводот со нејзиниот сопруг Џо Манганиело. Тој и се додворувал на актерката во 2005 година, пред да се заљуби во Кејти Холмс.
InStyle минатата година напиша дека во 2005 година, Круз бил споен со Вергара од неговиот пријател Вил Смит. Папараците го фотографираа парот заедно на само еден состанок, а романсата наводно завршила набргу потоа.