Српскиот актер и режисер Драган Бјелогрлиќ, една од главните ѕвезди на филмот „Свадба“, откри во видео објавено на Инстаграм дека тој и некои од неговите колеги од Србија кои глумат во споменатиот филм се на „црната листа“ во нивната земја. Поради ова, како што изјави, тие не можеле да работат во Србија во последните неколку години, па затоа го снимиле филмот што „целиот регион ќе го обожава“ во Хрватска.
Бјелогрлиќ: Забранети сме во Србија
„Знаете каков беше предизвикот? Фактот дека добар дел од нас актерите од Србија кои глумат во овој филм во последните неколку години не можеме да работиме во Србија. На црната листа сме, забранети сме. Потоа отидовме во Хрватска и направивме филм со колегите што ќе го обожава целиот регион, а денес не можеме да го направиме тоа во Србија“, рече Бјелогрлиќ.
Филмот урива рекорди во гледаност
„Свадбата“ се чини дека ги оправдува зборовите на Бјелогрлиќ за филмот за целиот регион. Во Србија, каде што дистрибуцијата започна на 29 јануари, се формираат долги редици пред кината. Во Хрватска, филмот исто така ги руши сите рекорди.
Досега, 237.059 луѓе го гледале во хрватските кина, а се проценува дека по овој викенд бројот на гледачи би можел да достигне 300.000. Покрај статусот на најдобро кино-отворање на хрватски филм на сите времиња, „Свадбата“ е на пат да стане најгледан хрватски филм во историјата.
Тој веќе е на второто место на таа листа, пред анимираниот „Чирак“ со 227.891 гледачи, додека првото место сè уште го држи „Како започна војната на мојот остров“ со 338.000 гледачи.
„Свадба“ доаѓа и во Скопје, во Синеплекс ќе се приикажува од 5 февруари.