Стандард
ТЕХНОЛОГИЈА

Honor V40 се распродаде за три минути (ВИДЕО)

Honor е бренд кој ќе го продолжи своето независно постоење и во новата година. Со години, паметните телефони Honor се важен дел од стратегијата на Huawei да доминира во индустријата за мобилни телефони. Трговските санкции и ембаргото ја принудија компанијата да се раздели со овој вреден капитал.

Кон крајот на минатата година, стана јасно дека Huawei го продава бизнисот со смартфони Honor за 15 милијарди долари на кинески конзорциум. Ова ќе осигури дека брендот Honor може да продолжи да постои во целост и да продолжи да биде фактор на пазарот на паметни телефони. Сега сме сведоци на премиерата на првиот модел на Honor за 2021 година.

Кинескиот производител официјално го претстави Honor V40 5G, кој веќе со недели беше предмет на многу шпекулации. Новиот модел има 6,72 инчен дисплеј со резолуција од 2676х1236 пиксели со брзина од 120Hz. Сензорот за отпечатоци е вграден во OLED екранот, а во горниот лев агол се наоѓа двојната селфи камера од 16MP.

Односот „тело-екран“ е импресивен 92,3%. Брзината на паметниот телефон е загарантирана од процесорот MediaTek Dimensity 1000+, кој исто така има вграден 5G модем. RAM меморијата е 8 GB, а ќе се продаваат верзии со 128 GB / 256 GB внатрешна меморија. На задната страна има тројна задна камера која комбинира 50MP главен сензор, 8MP UltraWide и 2MP макро модули.

Батеријата има полнење од 4200mAh и поддржува 66W систем за брзо полнење. Honor V40 работи со Magic UI 4.0, кој е базиран на Android 11. Идните сопственици ќе можат да избираат помеѓу Magic Night Black, TItanium Silver и Rose Gold боите. Цените на паметните телефони се очекува да се движат од 550 до 620 долари.

Honor започна ограничена продажба на Honor V40 на кинескиот пазар. Фановите на оваа марка реагираа брзо и ги откупија сите достапни единици на уредот за 3 минути и 46 секунди. Следната серија на Honor V40 ќе биде достапна од 26 јануари.

Поврзани вести

Проблем во работата со некои сервиси на Google

msp-admin

Хакери објавија информации за шпионскиот авион Bombardier Globaleye

Влатко Зорба

Студентите на УКИМ со можност за бесплатна едукација за сајбер хигиена

Влатко Зорба
error: Превземањето на содржина без дозвола од авторот е дело казниво со закон!!!