Huawei го откри својот прв паметен телефон со екран на преклоп за време на мобилниот конгрес во Барселона, но компанијата неколку пати го одложи дебито на пазарот на уредот, што првично требаше да се одржи во мај.
Најновата најава на главниот извршен директор на одделот за потрошувачи на Huawei, Ричард Ју беше дека моделот премиерно ќе се претстави во октомври, а според информациите од Кина, тој е веќе во масовно производство и ќе биде достапен до крајот на месецот.
Од „Tech Sina“ посочуваат дека производството на екранот на преклопување е „многу тешко“, што не изненадува, а обезбедувањето на неговата оптимална сила и издржливост се меѓу главните причини за одложената премиера на паметниот телефон.
Друг фактор е потребата да се оптимизира корисничкиот интерфејс, така што тој да биде практичен од гледна точка на корисникот. Ова вклучува промена на реакцијата и визуелизирање на апликациите при преклопување на уредот.
Тековната верзија на Mate X, најверојатно, ќе биде опремена со Kirin 990 чипсетот, објавен минатиот месец.