LG потврди дека следниот телефон ќе се вика „Wing“ и ќе биде претставен на 14 септември. Според фотографиите што пристигнаа до јавноста, и подоцнежното соопштение на компанијата, може да се заклучи дека уредот има два екрани, кои можат да се ротираат, а неодамнешно закачено видео потврдува дека овој механизам ќе функционира во форма на буквата Т.
Покрај ротирачкиот екран, најавено е дека уредот ќе има поддршка за 5G, тројна камера во позадина со главна од 64MPx, како и напојување со процесор Snapdragon од серијата 700.
Според компанијата, уредот ќе биде претставен како дел од проектот Explorer, нова категорија производи на LG, која има за цел „да открие нови начини за користење на уредот, но и да испроба нови кориснички стандарди“, додавајќи дека „Wing“ ќе донесе нова и поинаква форма и искуство за употреба на телефон, што би било невозможно за стандардните телефони, соопшти компанијата.