Се чини дека Apple планира да ја објави следната генерација на iPad Pro во март. Новите модели се очекува да имаат дизајн сличен на сегашната генерација, но верзијата од 12,9 инчи сега ќе има Mini-LED дисплеј.
Една од ретките разлики во дизајнот на новиот iPad Pro во споредба со моделот 2020 година е тоа што Apple го намали бројот на дупки над звучникот за 2/3 и нивната позиција, исто така, е променeта.
Новиот модел на задната камера, исто така, ќе биде сличен на оној на iPad Pro 2020, но со испакнат дел. Големата новина се чини е присуството на Mini-LED дисплеј во 12,9-инчниот нов iPad Pro, чие тело ќе биде подебело за да може да се смести на екранот.
Mini-LED е нова форма на позадинско осветлување за LCD-екраните што ги има повеќето предности на OLED, но може да понуди уште поголема осветленост, подобра енергетска ефикасност и помал ризик од „горење“ на сликата. Затоа Apple има намера да користи вакви екрани во своите поголеми уреди наместо OLED панели.
Следната генерација на iPad Pro се очекува во март и ќе биде придружена со нова генерација на основен iPad со потенки рамки околу екранот, помала тежина и Home копче со Touch ID.