СТАНДАРД life
ТЕХНОЛОГИЈА

Веќе можеме да додаваме коментари кон фотографиите во Google Photos

Google Photos е одличен начин да зачувате неограничен број на фотографии и секогаш да имате пристап до нив без разлика каде се наоѓате. Компанијата постојано тестира нови функции и сега е подготвена со новото ажурирање на мобилната апликација. Најинтересно подобрување е опцијата за додавање директни пораки на фотографиите во Google Photos. Идејата е корисниците да создадат чат прозорци со луѓе на кои им испраќаат видеа и фотографии.

Предвидена е можност да „лајкнете“ и да коментирате, како и да додавате датотеки во колекцијата Google Photos. Новата функција не е дизајнирана да ги замени популарните апликации за мобилна комуникација. Наместо тоа, компанијата се обидува да го направи целиот процес на споделување на слики и видеа позабавен и попријатен. На пример, да се потсетите со пријателите за интересни и забавни настани додека разговарате за спомените на фотографиите.

За да ја искористите функцијата, треба да изберете фотографија и опција за споделување, објави Engadget. Следно, ќе ја видите дополнителната опција во менито Send In Google Photos. Така, можете да изберете име на лицето за споделување на датотеката и да започнете да коментирате. Избирањето на копчето „New Group“ создава групен разговор, во кој може да поканите повеќе корисници. Новата верзија на апликацијата е веќе достапна на уредите со Android и iOS.

Поврзани вести

iPhone 5 ќе престане да работи, освен ако не инсталирате iOS 10.3.4 пред 3 ноември

msp-admin

Facebook отстрани 9 милиони објави со говор на омраза

msp-admin

Steam постави нов рекорд – 26 милиони корисници истовремено

Влатко Зорба