НАШИТЕ усни можат да ни испраќаат сигнали за здравјето на телото, предупредува стоматологот Бернард Хенеси.
Како што откри за британски „The Sun“, знаците на дури четири болести можат да се откријат токму на усните. Тој вели дека нашите усни поминуваат низ различни промени во текот на животот, а понекогаш може да укажуваат на одредени болести.
„Некои од овие промени може да укажуваат на медицински проблем, па затоа не треба да ги игнорираме ако ги забележиме“, рече Хенеси.
ХИВ
Во случај да се појави необјаснет чир во или од внатрешната страна на нашите усни што не исчезнува, тоа може да биде знак за ХИВ. ХИВ (вирусот на човечка имунодефициенција) го напаѓа имунолошкиот систем на телото и, во ретки случаи, може да доведе до СИДА. Не постои лек за ХИВ, но постојат лекови кои им овозможуваат на луѓето со вирусот да живеат долг и исполнет живот, под услов да се открие рано.
Пневмонија
Секој добива испукани усни од време на време и тоа обично не е ништо за грижа. Но, во некои случаи, особено кај децата, лупењето на усните може да биде знак за пневмонија. Според NHS, оваа состојба обично започнува со треска, кашлица, проблеми со дишењето и слаб апетит.
Рак
Рана на усните која не зараснува може да биде знак за рак, објаснува стоматологот. Стапките на орален карцином, вклучувајќи го и ракот на усните, се удвоиле во изминатите 20 години, покажуваат податоците на Фондацијата за орално здравје. Во 2021 година биле дијагностицирани околу 8.864 случаи, што е зголемување за 34 отсто во споредба со пред десет години. Ракот на усните се јавува на кожата на усните, но најчест е на долната усна. Според клиниката Мајо, повеќето карциноми на усните се сквамозни карциноми, кои се прилично лесни за лекување. Ракот на усните може да биде предизвикан од прекумерно изложување на сонце и пушење.
Синдром на иритирани црева
Испуканите усни, особено во аголот на усните, може да се поврзат со синдром на нервозно дебело црево. Кожна состојба позната како аголен хелитис предизвикува суви, црвени дамки на аглите на устата кои можат да пукнат. Неколку студии покажаа дека 60 проценти од луѓето со IBS може да страдаат од орални здравствени проблеми, од кои еден е аголен хелитис.